احلى ما في الحب

بس الكلام ده انا متأكد اني قريته و بنفس اسلوب العرض اللي انت قدمته بس مش فاكر فين !! عامه لا الحب موجود مش شرط الحب يكون علاقه ما بين اتنين

علاقه الحب ما بين اتنين دي علاقي دنوي .... بمعني انها بتنتهي بالزواج و التواجد الدائم مع احداهم للأخر ..... وده اللي بيثبت كلامك ان مفيش حاجه اسمها حب

نيجي بقي للنقيض ... علاقتك بأحمد ابراهيم و بيا مثلا........... او علاقتك بوالدك و والدتك و اخواتك ...... دي مسمهاش حب ؟؟ طيب و لو مسمهاش حب هتبقي ايه؟؟

عاطفه ..اشتياق..احتياج..تعود..

طيب و ايه اللي ممكن يجمع الكلام ده كله غير كلمه يندرج تحت مفهومها الكلمات دي و كلها و غرضها نزيه جداً و سامي ... يعني ولا انت محتاج منهم حاجه ولا محتاجه لممارسه شئ لقضاء حاجه او افراغ طاقه

مظبوط ولا مش مظبوط........يعني مثلا تقدر تقولي انت بتحب اختك الصغيره ليه ؟؟؟ محتاج منها حاجه لا سمح الله و لا بتحب والدنك ليه ؟؟

شوف انا معاك تماماً في مسأله ان الحب ما بين اتنين ممكن اتفق معاك عليه طبقاً لكلام ارشميدس او اي عالم في علم الحضارات.......... لأن التاريخ بيثبت الكلام ده

حاله الولع و الهيام الدائم و اللي ف بعض الأحيان بتصل للجنون ... دي بتنتهي عند حدود اللزواج.... ممكن تدوم ل ايام قليله او شهور او سنه

وبعدها تلاقي الحياه ما بينهم رتيبه و حتي علاقه الحب اللي هما كانوا بيطمحوا أليها بقت علاقه عاده تكاد تميل احياناً الي البرود و حده المعامله و يكتر الخناق و المشاكل و كده

حب الغريزه هو اللي انت اتكلمت عنه........ رغم ان مفهوم الحب الطاهر العفيف الشريف البعيد عن الغرائز موجود و مش الناس كلها بتجري ورا شهواتها ... بس برضه تيجي تقول فين الحب ده متلاقيهوش

نادراً ............. لما تلاقي اتنين ارتبطوا خلاص و عدت عليهم سنين بيحبوا بعض........... ونسأل نفسنا ليه؟؟؟ تعرف ليه علشان حتي لو مكانوش بنفس درجه الحب اللي هما كانوا عليها ف ع الاقل انتقلت درجه الحب و خلينا نقول مصطلح تاني احسن من الحب و هو المحبه ......... لدرجه التعود و العشره

بس محبه الأهل و الوطن و الأصحاب موجود

و ف النهايه يسعدني لو فيه اي حد له تعقيب علي كلامي