Admin Admin
Age : 34 Joined : 15/10/2009 site : www.ShababQena.Gid3an.com
| موضوع: رقم قياسي جديد للأهلي .. و إتحاد الكره لا يريد الإعلان عنه الثلاثاء أكتوبر 27, 2009 12:11 am | |
| زهقت من أداء منتخب لا طعم ليه ولا لون.. بيلعب بخطة المعلم الجهنمية و التي تعتمد على رفع الأطراف والدعاء المكثف من قلب هموم المصرين و كل مرة أقول معلش الفريق صايم .. معلش المعلم نايم .. معلش أصل الأرض وحشة ... أصل السما بتمطر .. و كرهت نفسي بجد وأنا بشجع فريق تعبان زي رواندا .. آل إيه و كمان بأدعيله ..
هي ناقصة .. ما كفاية عليا كمية الدعا إللى دعيته لمنتخب الخياب.. والمشكلة إني مش فاهم هم بيعملو إيه .. لا خطط ولا مهارات ولا لياقة و لا روح .. والكارثة أن أغلهم لاعيبة الأهلي .. بس معلش إدعي يا واد .. ده بس عشان لسة صغيرين .. دول بس محتاجين شوية خبرة .. دول بس عايزين مدرب محترم يظبطهم .. و أخرتها شجعت غانا و طبعا دعيت لهم زي مانتو عارفين
أما إمبارح فكان عيد لكل الأهلاوية أو تقريبا كل المصريين .. نادي القرن حقق رقم قياسي جديد ... بس إتحاد الكورة و شلة الحاقدين علشان الزمالكاوية .. مارضيوش يعلنوا عنه و كالعادة بدعوى الحفاظ على وحدة المنتخب .
للأسف أنا كمان ما كنتش واخد بالي منه .. كالعادة كنت مشغول بالدعاء .. وبشكر ربنا في كل هجمة علينا على نعمته و فضله علينا بالتلات نقاط .. بس إبتديت أخد بالي مع الدقائق الأخيرة في المبارة .. لما البدري أعد يبص في الساعة وعلى وشه علامات القلق في إنتظار إنتهاء المباراة .. وتأكدت أن الموضوع مش موضوع مباراة عادية في الدوري ومع المنصورة لما الحكم صفر ولقيت علاء ميهوب بيجري و يتنطط من الفرحة ..
قلت أكيد فيه حاجة بس أنا مش فاهم .. يكون علشان دي أول هزيمة للمنصورة على ملعبها الموسم ده .. بس أكيد لأ لأن المنصورة طول عمرها بتتغلب من طوب الأرض أو مهددة بالهبوط أو بتلعب أصلا درجة تانية وعادي ... يكون الماتش ده مش في الدوري أو له علاقة بأفريقيا أو حتى الكونكاف ... إنتظرت أغنية الفنان العظيم حمادة هلال " والله و عمولوها الرجالة " .. ما جتش ... قلبت في كل قنوات التحليل إني ألاقي حاجة .. ما لاقتش
سألت واحد واصل معروف عنه أن له علاقات حميمة بإتحاد الكرة .. هو فيه إيه ... وعرفت منه أن النادي الأهلي حقق رقم قياسي عالمي جديد في عدد الذين يدعون له أن ما يجيش فيه جون و يعدي الماتش على خير ونكسب بعدين حال الفريق يتعدل أدام. بس المشكلة التي تواجه إدارة النادي هو أن مافيش مستندات مؤيدة لهذا الرقم ( كلها محفوظة عند ربنا )
إذا كنت زيي .. بتدعي .. إن حال الفريق يتعدل سجل إسمك حتى نتمكن من مساعدة مجلس إدارة النادي على الحفاظ على هيبة النادي ..
| |
|